ກອງພັນໃຫຍ່ 279 ປຸກລະດົມການບໍລິຈາກເລືອດຊ່ວຍເຫຼືອສັງຄົມ
ທ້າຍເດືອນທັນວາ 2023 ຜ່ານມາ, ກອງພັນໃຫຍ່ 279 ໄດ້ຈັດຕັ້ງປຸກລະດົມການບໍລິຈາກເລືອດຊ່ວຍເຫຼືອສັງຄົມ, ໂດຍມີ ສະ
ຫາຍ ພັນໂທ ສົມໄຊ ລະວິໄຊ ຫົວໜ້າພະແນກພະລາທິການ ກອງພັນໃຫຍ່ 279, ສະຫາຍ ດຣ ຄຳຈັນ ຄຳມະນີວົງ ຫົວໜ້າພະແນກ
ປຸກລະດົມຂົນຂວາຍບໍລິຈາກເລືອດ ສູນເລືອດແຫຼ່ງຊາດ ອົງການກາແດງລາວ, ຄະນະພັກ-ຄະນະບັນຊາ ພະແນກການ, ກອງພັນ, ກອງ
ຮ້ອຍເອກະລາດ, ຂະແໜງເສນາຮັກ ຕະຫຼອດຮອດພະນັກງານ-ນັກຮົບເຂົ້າຮ່ວມ.
ສະຫາຍ ດຣ ຄຳຈັນ ຄຳມະນີວົງ ໄດ້ກ່າວວ່າ: ການບໍລິຈາກເລືອດຢູ່ ກອງພັນໃຫຍ່ 279 ຄັ້ງນີ້ ເພື່ອນຳເອົາເລືອດໄປກອບກູ້ຊີວິດ
ເພື່ອນມະນຸດທີ່ກຳລັງນອນປິ່ນປົ່ວຢູ່ໂຮງໝໍແຫ່ງຕ່າງໆ ໃນຂອບເຂດທົ່ວປະເທດ, ຍ້ອນວ່າປັດຈຸບັນມີຄົນເຈັບທີ່ຕ້ອງການ ເລືອດຈຳນວນ
ເພີ່ມຂຶ້ນ ກົງກັນຂ້າມເລືອດທີ່ມີຢູ່ສູນເລືອດແຫ່ງຊາດພັດໜ້ອຍ ຈຶ່ງໄດ້ຈັດກິດຈະກຳຮ່ວມກັບ ກອງພັນໃຫຍ່ 279 ເພື່ອເຊີນຊວນພະ
ນັກງານ-ນັກຮົບ ພາຍໃນກົມກອງມາຮ່ວມກັນບໍລິຈາກເລືອດ ເຊິ່ງຜ່ານການບໍລິຈາກເລືອດ ມີຜູ້ສະໜັກໃຈບໍລິຈາກເລືອດຕົວຈິງ 28 ສະ
ຫາຍ, ໄດ້ເລືອດ 28 ຖົງ.
ແຫຼ່ງທີ່ມາ: ສາຄອນ ສຸລິເຍດ
ວັນທີ 05/01/2024